https://www.glusk.gov.by/news/news-raion-ru/item/3680-susedzi-naladzili-svyata-tsudo-nae-vyasjolae-svyata-dzen-susedzya-adbylosya-agragaradku-kalatsichy-minuluyu-subotu#sigProId7d486d536b
Першая частка мерапрыемства была прысвечана Калаціцкаму сельскаму Дому культуры. За шмат гадоў існавання тут былі раскрыты таленты мноства людзей, для кагосьці клуб стаў стартавай пляцоўкай, каб расці і развівацца далей. Больш за 30 гадоў у сельскім Доме культуры ў Калацічах загадчыкам працуе сапраўдны майстар сваёй справы, творчы чалавек Зоя Сіраж.
https://www.glusk.gov.by/news/news-raion-ru/item/3680-susedzi-naladzili-svyata-tsudo-nae-vyasjolae-svyata-dzen-susedzya-adbylosya-agragaradku-kalatsichy-minuluyu-subotu#sigProId9769813217
Павіншаваць супрацоўнікаў СДК з юбілеем завіталі госці: старшыня Калаціцкага сельвыканкама Андрэй Баброўнік і дырэктар Цэнтралізаванай клубнай сістэмы Глускага раёна Алена Грынёва. Жадалі творчых поспехаў, натхнення, адкрыцця новых талентаў, удзячных гледачоў. Алена Грынёва адзначыла, што яе шлях у прафесіі пачынаўся менавіта з Калаціцкага СДК. «На першы погляд праца работнікаў культуры здаецца лёгкай — спявай ды танцуй, але на самой справе гэта вельмі цяжкая штодзённая праца, — падкрэсліла Алена Уладзіміраўна. — Акрамя таго, гэта яшчэ і праца ў выхадныя і святочныя дні. Вось і думайце, ці ўсё так лёгка даецца, як яно выглядае».
https://www.glusk.gov.by/news/news-raion-ru/item/3680-susedzi-naladzili-svyata-tsudo-nae-vyasjolae-svyata-dzen-susedzya-adbylosya-agragaradku-kalatsichy-minuluyu-subotu#sigProId35831a743f
Сапраўды, трэба быць адданым сваёй справе чалавекам, каб працаваць (і працаваць выдатна) на працягу дзесяцігоддзяў у сферы культуры. Як Зоя Міхайлаўна Сіраж. Менавіта за добрасумленную шматгадовую працу, значны ўклад у развіццё культуры Глускага раёна Зоі Міхайлаўне ад сектара культуры райвыканкама ўручылі Падзячнае пісьмо. У сваю чаргу загадчыца Калаціцкага СДК успомніла тых, хто 60 гадоў назад пачынаў тут працу, і адзначыла самых актыўных цяперашніх удзельнікаў клубных мерапрыемстваў. Шмат гадоў, не зважаючы на любыя перашкоды — дрэннае надвор’е ці не надта добрае самаадчуванне, яны ўдзельнічаюць у жыцці Дома культуры: выступаюць у Калацічах, выязджаюць з канцэртамі па раёне і за яго межы, бяруць удзел у розных фестывалях. Гэта Ірына Жаркевіч, Зінаіда Коласава, Зінаіда Багук, Марыя Пацай, Надзея Фамін, Зоя Глаз, Дзмітрый Каржнёў.
https://www.glusk.gov.by/news/news-raion-ru/item/3680-susedzi-naladzili-svyata-tsudo-nae-vyasjolae-svyata-dzen-susedzya-adbylosya-agragaradku-kalatsichy-minuluyu-subotu#sigProId8c693ac619
У Калаціцкі СДК прыходзяць займацца і творчыя дзеці. Яны першыя памочнікі ў дарослых і заняты амаль ва ўсіх мерапрыемствах: народных святах, гульнявых праграмах, казках. Ёсць у дзетак і сваё тэатральнае аб’яднанне. Дзецям, а таксама іх бацькам падзякавалі за ўнёсак у культуру і ўручылі салодкія падарункі і граматы.
https://www.glusk.gov.by/news/news-raion-ru/item/3680-susedzi-naladzili-svyata-tsudo-nae-vyasjolae-svyata-dzen-susedzya-adbylosya-agragaradku-kalatsichy-minuluyu-subotu#sigProIdf52e943fd5
Павіншаваць супрацоўнікаў Калаціцкага СДК прыехалі калегі з Заеліцкага Цэнтра культуры і вольнага часу, Бярозаўскага СДК і нават з Гарбацэвіцкага цэнтра культуры і вольнага часу (Бабруйскі раён). Дарэчы, з апошнімі калегамі, калектывам «Землякі», у Калаціцкага СДК даволі працяглае сяброўства і супрацоўніцтва — 20 гадоў. Выдатна, што трапіліся такія добрыя суседзі-калегі, з якімі працаваць прыемна і лягчэй. Нездарма ў беларусаў ёсць прыказка «Добры сусед лепш, чым далёкі сваяк», бо сапраўды гэта так. Сусед заўсёды побач, як кажуць, падтрымае і ў радасці, і ў бядзе.
https://www.glusk.gov.by/news/news-raion-ru/item/3680-susedzi-naladzili-svyata-tsudo-nae-vyasjolae-svyata-dzen-susedzya-adbylosya-agragaradku-kalatsichy-minuluyu-subotu#sigProId50c134bd86
А ў Калацічах увогуле сяброўства паміж суседзямі звычайная справа. Пра гэта казала і загадчыца сельскага Дома культуры Зоя Сіраж, калі прадстаўляла вяскоўцам самых дружных, вясёлых, гасцінных, добрых, гаспадарлівых, мудрых суседзяў. Вось, напрыклад, Марыя Рыгораўна Лобах. Гэтая 80-гадовая жанчына перадала ў падарунак сельскаму Дому культуры вялікую калекцыю тканых вырабаў, вышыванне і іншыя старадаўнія рэчы. Адзначылі таксама і жыццярадасную, вясёлую, пазітыўную суседку Надзею Максімаўну Савасцюк. Добразычлівасцю вызначаецца таксама Ірына Іванаўна Радько. Ніколі і нікому не адмаўляе ў дапамозе Зоя Лаппо. А як вам сяброўства і суседства даўжынёю ў 45 гадоў? У Калацічах ёсць і такія рэкардсмены: Надзея Мікалаеўна Дарошка і Валянціна Сяргееўна Змітровіч. Вялікімі кулінарнымі здольнасцямі і асаблівай гасціннасцю адметныя жыхаркі Калаціч Алена Чорная і Юлія Янчыленка. Дарэчы, і падчас вясковага мерапрыемства яны стаялі каля печкі, пяклі дранікі і частавалі суседзяў і гасцей. Акрамя гэтага, на стале былі і іншыя прысмакі, паласавацца якімі таксама ўсіх запрашалі. Са здзіўленнем пачула, што ў Калацічах кулінарнай справай займаюцца не толькі жанчыны, але і мужчына — Леанід Рудзько. Па словах вядучых, ён майстар хатніх нарыхтовак: вельмі смачныя атрымліваюцца гуркі ды іншая кансервацыя. Ёсць у Калацічах і таленавітыя вясковыя дызайнеры, якія ўпрыгожваюць свае дамы, а разам з тым і вёску. Напрыклад, Земфіра Янчыленка. Гэта яе казачна ўпрыгожаны да Новага года дом прыцягваў увагу жыхароў аграгарадка. Яшчэ адна творчая суседка, Тамара Парыч, аздобіла дэкарацыямі гэта святочнае мерапрыемства. Тут і тканыя льняныя ручнікі, карытцы і самапрадка, кветкі і грыбы, нават сям’я з гарбузоў — тата, мама і дзіця з пустышкай у роце. Была ў гэтай кампазіцыі і думка пра будучае: на вялікім капусным качане сядзела лялька-немаўля. Усім гэтым выдатным суседзям ад Калаціцкага сельскага Дома культуры былі ўручаны падарункі.
https://www.glusk.gov.by/news/news-raion-ru/item/3680-susedzi-naladzili-svyata-tsudo-nae-vyasjolae-svyata-dzen-susedzya-adbylosya-agragaradku-kalatsichy-minuluyu-subotu#sigProId154da03259
І, безумоўна, ні адно свята не абыходзіцца без песень, іх на святочным мерапрыемстве ў Калацічах было шмат. Пелі і мясцовыя артысты, і сваю вялікую канцэртную праграму ў падарунак да юбілею Калаціцкага СДК падрыхтавалі артысты з Гарбацэвіч. Гледачы шчыра дзякавалі артыстам за выступленне апладысментамі, а некаторыя нават і ў скокі ішлі.
Вольга ЯНУШЭЎСКАЯ
Фота аўтара