«Рамонтныя работы праводзіла Глускае УКП «Жылкамгас», — расказвае начальнік аддзела жыллёва-камунальнай гаспадаркі, архітэктуры і будаўніцтва райвыканкама Яўгенія Грыгор’ева. — Іх каштарысная вартасць склала 420 тысяч рублёў: 220 тысяч — гэта сродкі бюджэту, а 200 тысяч — адлічэнні насельніцтва. На жылым доме заменены дах (зроблены новы рулонны дах з уцяпленнем пенаполістырольнымі плітамі), на парапетах устаноўлена металічная агароджа, зроблены сістэма вонкавага арганізаванага вадасцёка і новая бетонная адмостка, адрамантаваны фасад, старыя казыркі над уваходамі ў пад’езды заменены на новыя, з металічнага профілю, у месцах агульнага карыстання памянялі вокны і дзверы, заменены інжынерныя сістэмы, выкананы іншыя запланаваныя на будынку работы. Таксама будаўнікі правялі добраўпарадкаванне двара, на яго тэрыторыі зрабілі новую дзіцячую пляцоўку.»
Наступны капітальны рамонт жылфонду чакаецца на вуліцы Гагарына, дом 12, гэта будынак інтэрната, каштарысная дакументацыя ўжо распрацавана. Хутчэй за ўсё, гэта аб’ект наступнага года, адзначае спецыяліст, бо на гэты год крыніцы фінансавання пакуль што адсутнічаюць.
Т. ЛУКАШЭВІЧ